| Kate's profileit's all abt YouPhotosBlogLists |  Tools  Help |
|
April 29 good luck my beloved一個明天考試
一個大後天考試
各有各的理想和目標
支持支持 =]
前幾日煮飯d油彈到果幾撻"啦"結左焦都仲係咁既樣
好彩唔係係塊面度姐...
今日食左幾個一d光酥餅味都冇既光酥餅,搵笨 =.= April 26 soul騷靈情歌 - 張敬軒
愛似藍調遇節奏 如此即興 彷彿紐約某橫街
有異國喇叭 美麗塗鴉 一身膚色因你變得黑 用黑色聲音唸著我想你 像黑色詩歌一般多細膩 換黑西裝抱起你才優美 這見證神也驚喜 我虔誠愛你 以靈魂騷動你 騷動到 有樂器 奏到心扉
我全神看你 以靈魂來抖氣 <--- 好冧既歌詞 感覺多騷靈 以無邊溫柔吻你 愛似藍調遇節奏 從此一對 識得感性就搖擺 趁陶醉片刻 發現曇花 一身心思因你更深刻 用黑色的燈射著我跟你 像黑色的光不分天與地 換黑西裝抱起你才優美 這見證神也驚喜 我虔誠愛你 以靈魂騷動你 騷動到 有樂器 處處響起 我全神看你 以靈魂來抖氣 感覺多騷靈 以無邊溫柔吻你 為你舞臺提起 為你鋼琴彈起 以靈歌歡呼 愛你 ps 不得不讚hins這身的打扮, 又有型又配合歌詞 April 24 簡單而感動哈, 又爭tony一餐!
見我連安全帶都唔記得攬, 就知我對你既駕駛技術幾咁有信心啦!
尤其係泊位!!!
堃爺龍爺咁飲得, 小女子甘拜下風!
講起堃爺初中d瘀野, 真係好笑到喊 (真係有眼淚架!)
為存厚道, 唔係度公開係咩事啦 (睇下我幾好!)
多謝亞龍埋單!
post返哩張先: 史上最難食兼食到我肚痾既通粉沙律
唔好俾佢吸引既外表迷惑... 食左一半已經好俾面
哩兩張係邊度黎架? 我每朝搭車必經之地
特登影俾某人睇既, 會唔會勾起某種回憶?
April 22 追風箏的傻瓜
最新出爐既張敬軒concert, 可以隱約見到佢戴既耳環架, hehehe 追風箏的孩子
追風箏一對傻瓜 相信愛情童話 當天初戀想過成家 會有一點荒謬嗎 愛到愁雲傷疤 發覺信仰有偏差 那初戀彷似流沙 吹散無從留下 你的風箏飄過籬笆 撲向短促豔美落霞 你變了個插畫家 我變了個作曲家 各有各路線分岔 風箏飛不出嘆息橋 即使分開不必仰天長嘯 畢竟當初分享過你歡笑 將記憶燃燒 初戀的風景有過不少 彼此相識於嘆息橋 開開心心影張愛的遺照 彼此之間即使各有車票 失散於繁囂 灰飛的初吻至少感動一兩秒
斷了線那隻風箏 到哪裡落地生根 愛過你仍然是福份 風箏飛不出嘆息橋 即使分開不必仰天長嘯 畢竟當初分享過你歡笑 將記憶燃燒 初戀的風景有過不少 彼此相識於嘆息橋 開開心心影張愛的遺照 彼此之間即使各有車票 失散於繁囂 灰飛的初吻至少感動一兩秒
天空的白雲 有哪朵可以與我互吻 穿梭的路人 每個都可與我合襯 初戀那個烙印 掀起那次地震 總可迫使我鍛煉勇敢 彼此分開於嘆息橋 失戀得多 應該更聰明了 即使心一死都要有心跳 一下不能少 堅貞的心境還是要動搖 風箏消失於嘆息橋 開開心心一起向它憑弔 很多東西畢竟控制不了 失散於繁囂 都多得一個你當日跟我笑 心 縱使不跳了 送給一個你 April 20 慶幸有你們這班最佳益友多謝三位大爺蒞臨寒舍,亦多謝我家大少幫手
四餸一湯加四嘜飯,一支mic加兩隻卡啦ok dvd
一部電子琴, 一支結他加五個人的歌聲
可算係癲左一晚!!! 可能隔離鄰舍以為我地hi左野*o*
都未試過一路食住家飯一路唱k的呀!
遺憾冇影過相 (因為我唔想將我既師奶仔扮相留底 :D)
亞龍你既砵仔糕同亞堃你既叮噹扭蛋我都好鐘意!!!
你地幾個下次要再賞面食我煮既野啊 (重點 :P)!!!
朝早醒左多得樓下果位小姐, 不停地彈周杰倫既歌
我知道某人會好鐘意聽啊, 但係佢都唔係度
定係你想好心提醒我? 唔好咁殘忍啦! April 19 黃綠交鋒brother jinvv:
黃葉較綠葉更有詩意呀
你的比喻傾向理性,我的傾向感性
還記得中六,七那位中國文學老師評我的文章與眾不同
我抒發的情感較她們理性得多, 沒有濫情 (即沒有情情塔塔那些)
當然我知道我能做到這點的最大原因就是 ----
我一直沒談過戀愛, 從沒經歷過愛到要生要死的苦楚
自從嘗過情愛的滋味, 好像怎樣也寫不到那種很理性的情感
我相信, 不同的人有不同的性格,經歷
性格在變, 經歷在變, 情感也在變
偶爾在文章中濫情一番, 也是宣洩的一種好方法
當然, 你這個年紀是應該理性較感性多的
黃葉也好, 綠葉也好, 成功表達內心世界就行了
多發表文章吧, 我會給你專業評價的
p.s.咪以為你家姐a-level文學拎b係流的!
我唔鐘意文學史, 但鐘意吹水 (強項)=P
sister ylam April 18 小風波尋晚CIArb annual dinner真係大開眼界, 識左d人咁啦
又有酒飲, 不過我淨係飲白酒咋, 都好夠啦 (笑*o*)
$700一個人既hk club dinner, 整體上幾好架
而家我免費喇wo, 就不便再作批評啦
返到屋企已經12點, 其實social真係好累
佢地ymg之後仲直落去bar, 我同pl第一時間拒絕了
哩幾日又食左好多野喇, 聽日要開始減返
減肥就好似為左有空間再食, 食完又要再減 =.=
typhoon signal no.1 is being hoisted in hk
and no.10 in somewhere else April 15 車神呀!多謝tony的晚餐, 你輸了也會為我高興吧
感激你果手好車 (我可是真的緊張起來 >_<)
第一次坐朋友既車, 刺激吧
車神都俾我煩死啦, 哈哈
公司又為我提供免費食物啦
明天的早午晚三餐都可以有著落
但係只可以食到早餐咋
剩低果d點啊, 搵人搞掂佢啊 April 14 我是黃葉車窗外, 馬路上, 黃葉滾滾舞動.
越多車輛經過的地方, 它們翻得越高越遠;
遠離馬路的黃葉, 呆呆的待在那兒.
馬路上的一切, 與它們相距太遠吧!
生命中經歷的人和事越多, 人也成長得越快;
沒有經歷過什麼的人, 也許不會長大.
但是, 每片黃葉也能夠承受太多太急的捲動嗎?
承受不了, 只會粉身碎骨, 灰飛煙滅.
你, 想做哪一片它?
---------------------------------------------------
不要再誤信我是很乖的人
太乖的人, 悶得很
但我又不會是很壞的人
太壞的事, 讓良心不安
挺矛盾
不得不愛 April 13 我會輸嗎???尋日俾堃爺捉左去沙田唱k =.=
歌神堃
歌神中
影唔到眼啊 ><"
------------------------------------------------------------------
今日去左拜山, 好多人, 好大煙, 雪花滿天飛
好彩我醒目, 戴帽赴會, 先可以保住個頭咋
------------------------------------------------------------------
我地邊個會win? 未知之數
但係我今日已經食左m記lu
哇卡卡!!!
April 09 癖好張敬軒演唱會啊, 完左啦
hins唔係靚仔, 屬於ok, 可以接受一類啦
但係我覺得佢戴耳環既樣子真係好吸引啊
我發現自己係好鐘意男仔戴耳環的呀
要係好似鑽石果d(當然水晶都可以), 大大粒的
閃令令的, 一邊耳就夠
當然唔係人人都可以戴到我心目中既效果
重要有中長頭髮, 較深既面部輪廓, 五官ok
衣著ok, 中等身材
哇~真係超迷人架~!
我自己都好鐘意戴哩種耳環的呀!!!
怪癖呢~~ = P April 08 一間貓屋的誕生星期日晚去左亞婆度食飯, 好好餸啊
之後同堃&蕾去食糖水
返到屋企同細佬進行左一項大工程
唔好睇小, 將三個細貓籠組合成大屋, 足足用左3個鐘
多謝細佬咁用腦啦, 4隻寶貝終於有大d既活動空間
我得返3個幾鐘訓咋, 尋日返工係勁眼訓, 不過又勁多野做
返到屋企唔理三七廿一, 整完貓沖完涼9點就訓lu
你教曉我本身輕鬆愉快既一日, 就因為一個人既怨懟而粉碎
為何人可以講一套做一套, 有心為難我麼?
無奈多於憤怒的我可以怎麼辦呢?
你教曉我, 你最慰解我的說話, 只是大戲的對白
你舞台上的一字一句, 只為牽動我的情緒
你復仇的心其實一直壓抑著, 靜待機會爆發
飄流教室 - 古巨基 如果 沒有初戀感動經過 下個怎會愛得死我 種種因果這日才有我 情實在太多 如果 失戀失得不夠折墮 何來這剎那夠勇敢的我 所有伴侶都有份教我 曾太過拚命愛 壓力大到彼此多麼好也不得不分開 試過友情拿來暫借單戀多悲哀 大概 其實要最真心說聲 多謝愛 學到的多精彩 誰又是做人世 眼淚不等於一切 獻上我的心 亦要適當去自衛 是我好勝 我愛哭 不是問題 不這樣愛下個便傷不到底 誰自願恨成世 愛情不等於一切 共聚又離開 從來並未學到可以發誓 可抱起來 亦拋得低 但學費都真的太貴 April 03 下雨天頭痛欲裂
有帶遮果兩日又唔落雨, 有冇搞錯
連續一個星期淋住毛毛雨
不過, 就算有帶我又未必用架bor
哈哈, 又係乜都我講晒
一臉倦容+病容, set左今晚9.30訓覺啦
綿綿春雨天
最是淒美動人
April 02 談談日本剛剛睇完博士個blog分享佢幾天既日本之旅
睇見相入面d櫻花同刺身, 我一路睇就一路係度 v 嘩鬼叫
真係好想去日本睇風景, 同埋食唔同類型既料理啊 (唔該走飯)
幾年前我去過一次, 不過因為係跟團, 所以食既野都唔地道
最記得係我地自己另外叫刺身外賣, 真係好食到不得了
仲有個唔係秘密既秘密
就係我最期望既honey moon地點就係... 北海道喇!!!
雖然眾所周知我鐘意shopping, 但係我都好鐘意睇風景架
兩口子可以舒舒服服咁過一個悠長假期, 簡直係perfect!!!
( 暫時只有幻想的份兒, 畢竟幻想也是種幸福甜蜜的事=] ) |
|
|
